Codi Dyfodol Adeilau - Adeiladwch eich gyrfa yn niwydiant adeiladu Ceredigion

Beth yw Codi Dyfodol Adeiladu? 

Mae'n brosiect lleoliad gwaith cyd-gysylltiedig ar gyfer pobl 16-24 oed sy'n byw yng Ngheredigion ac â diddordeb mewn profi sut beth yw gweithio yn y sector adeiladu. Mae'r lleoliadau yn agored i bobl nad ydynt eto wedi ystyried adeiladu fel opsiwn gyrfa. Dyma'ch cyfle i archwilio adeiladu trwy leoliad gwaith o bythefnos gyda chwmni lleol naill ai mewn rôl crefftwr neu broffesiynol dechnegol yr haf hwn.

Mae Codi Dyfodol Adeiladu wedi'i ddatblygu i dynnu sylw at y gyrfaoedd eang sydd gan yr amgylchedd adeiledig i'w cynnig. Mae'r rhain yn cynnwys proffesiynau crefft fel gwaith coed, gosod brics a phlastro yn ogystal â rolau proffesiynol technegol fel technoleg bensaernïol, rheoli adeiladu ac arolygu meintiau. Mae rhestr hirach isod!

Mae Codi Dyfodol Adeiladu yn cynnig 16 lleoliad yr haf hwn hyd at ddechrau mis Awst, wedi'u rhannu rhwng rolau technegol, proffesiynol a chrefft. Gallech fod yn gweithio ar safle adeiladu yn dysgu beth mae saer, briciwr neu drydanwr yn ei wneud am e bywoliaeth neu' cysgodi technolegydd pensaernïol neu reolwr adeiladu yn gwneud eu gwaith o ddydd i ddydd. Bydd eich lleoliad hefyd yn eich galluogi i ddysgu am y cysylltiadau rhwng y gwahanol rolau o fewn y diwydiant, a natur newidiol adeiladu, gan gynnwys pwysigrwydd ymgorffori cynaliadwyedd a sero net ledled ein hamgylchedd adeiledig.

Mae'r prosiect yn cael ei arwain gan dîm Canolfan Arloesi Adeiladu Cymru Prifysgol Cymru Y Drindod Dewi Sant mewn partneriaeth â'r tîm prentisiaethau yn Cyfle Building.