Deunyddiau adeiladu cynaliadwy

Y Manylion

Bydd y dysgwyr yn cael eu cyflwyno i’r angen i ddefnyddio deunyddiau adeiladu cynaliadwy yn yr 21ain ganrif, sy’n dod o ffynonellau lleol ac wedi’u gweithgynhyrchu’n lleol, ac sy’n cael eu cynhyrchu gan ddefnyddio ynni carbon isel.^st century, which are locally sourced and locally manufactured, and which are produced using low carbon energy.

Bydd y sesiwn hefyd yn rhoi sylw i brosesau gweithgynhyrchu cynaliadwy, yn arbennig mewn perthynas â deunyddiau wedi'u hailgylchu. Mae'r pynciau trafod perthnasol eraill yn cynnwys ystyried ailgylchu deunyddiau ar ôl y defnydd cychwynnol a chyfyngu ar wastraff yn ystod gwaith adeiladu. Bydd y myfyrwyr yn archwilio'r modd y mae cynhyrchion sy'n cynnwys cyfansoddion organig anweddol (VOCs) yn allyrru’r cyfansoddion hyn trwy broses o ollwng nwy, a'r modd y gall eu lefelau godi'n gyflym mewn ardaloedd cyfyng.

Bydd egwyddorion economi gylchol, argaeledd deunyddiau, a'r gallu i'w adnewyddu yn cael eu trafod yn y sesiwn hon.

Arweinir y sesiwn hon gan Ian Brown, Uwch-ddarlithydd, Yr Ysgol Pensaernïaeth, Adeiladu a'r Amgylchedd.

Amcanion Dysgu

Bydd y modiwl yn cyflwyno ac yn diffinio termau allweddol megis:

• Egwyddorion economi gylchol
• Cynaliadwy (gan gyfeirio at adeiladu)
• Prosesau gweithgynhyrchu cynaliadwy
• Deunyddiau wedi'u hailgylchu

Gwybodaeth am Ian

Mae’r darlithydd adeiladu Ian Brown yn arbenigwr ar adeiladu cynaliadwy ac yn rheolwr prosiectau sydd â mwy na 25 mlynedd o brofiad yn y diwydiant adeiladu. Mae ganddo lygad craff ar y dyfodol, ac mae ei ddiddordebau yn cynnwys adeiladu byrnau gwellt, adeiladu o ddeunydd gwastraff, a chael ysbrydoliaeth o siapiau a ffurfiau byd natur.

Ar hyn o bryd mae’n Uwch-ddarlithydd ym mhynciau portffolio adeiladu yr Ysgol Pensaernïaeth, Adeiladu a’r Amgylchedd ym Mhrifysgol Cymru y Drindod Dewi Sant (PCYDDS). Mae Ian hefyd yn gefnogwr brwd o Straw Building UK (Straw Bale Building UK gynt), ac mae ganddo ddiddordeb arbennig mewn addysgu myfyrwyr y gall natur lywio dyluniad yn y dyfodol, a bod prosiectau ecoadeiladu yn ddewis cynaliadwy yn lle ddulliau adeiladu traddodiadol.

i.brown@uwtsd.ac.uk